Sukkel u met Skoolfooie?

As u sukkel om by staatskoolgelde te bly en reeds agterstallig geraak het, is dit belangrik om onmiddellik op te tree. Indien u niks doen nie, is die skool wetlik geregtig om teen u op te tree. Dit kan lei tot kostelike regsprosesse, waar u uiteindelik u eie prokureurskoste, die skool se prokureurskoste én die agterstallige skoolgelde moet betaal. In ernstige gevalle kan die skool u bates laat aanheg en verkoop, ’n lasbrief tot afbetaling (garnishee order) teen u salaris verkry, en u kan by die kredietburo’s aangemeld word.

Dit is ’n ernstige saak en moet nie geïgnoreer word nie.

Net soos wat die wet vereis dat ouers skoolgelde moet betaal, voorsien dieselfde wet ook van verlagings en volle vrystellings. U kan dus vir ’n verlaging of vrystelling kwalifiseer, selfs al is u voorheen anders meegedeel. Voordat u verder in skuld verval of aanhou sukkel, voltooi eers ’n gratis assessering. As die uitslag wys dat u vir besparings kwalifiseer, sal ons dit aan die skool voorlê — en, indien nodig, die saak na die Onderwysdepartement eskaleer namens u.

Hoe Dit Werk

1. Gratis Assessering: Voltooi eenvoudig die vereiste velde (geen persoonlike besonderhede nodig nie), en die stelsel sal onmiddellik aandui of u moontlik vir afslag of vrystelling op skoolgelde kwalifiseer.
2. Ons Hanteer die Aansoek: As u kwalifiseer, help ons om u saak behoorlik aan die skool en/of Departement voor te lê.
3. Agterstallige Skuld: As ons u bystaan en u kwalifiseer, kan ons ook adviseer of u ’n sterk regsgrondslag het om bestaande skoolfoeiskuld aan te veg of te verminder.